前幾日同家姐傾開 發現大家都有同一個想法 支持亞視，但睇無線... 好似好矛盾 但又好似好合理 個人好欣賞亞視既創意 金木水火土五行既台徽，無線冇可能諗到 無線既台徽百年如一日，好似鑽石咁，永恆不變 今屆亞姐，亞視破天荒唔請人做評判 全球網友都有自由票選自己心中既冠軍，讚! 率先引入外國百萬富翁，打低左無線，讚! 無線好多野都係抄亞視，先有富翁，無線即買一筆OUT銷 同埋我覺得亞視好有風度 永遠你只會見到無線人踩亞視，如曾X偉等 但你唔會見到亞視踩無線 從無線記者杯葛亞視記者可見一斑 有D人戇戇鳩鳩，一味話亞視柒、廢，冇人睇 但呢D人往往都係無線既慣性收視的粉絲 佢地從來都唔知有亞視呢個台既存在，因此佢地從來都唔轉台 大佬呀，你連睇唔睇亞視，你又點可以話佢唔好呀? 佢唔掂係因為你地唔睇佢，搞到佢要向內地/韓國/台灣買片 點解呀?都冇人睇架啦，買片仲平過自己拍啦 你地唔睇，廣告收入又少，咪搞到要拍大陸廣告，如美仙嬌，寶寶金水咁陰公囉 佢拍片你地又唔睇 佢拍片你地又嫌爛 好難做人姐 你地屈曬機啦 亞視怕左你地啦，要去潛水啦，心涼未? 冇人睇自拍片，咪唯有買外地片如意難忘/芸娘囉 另一方面，無線都唔悶既，成日玩勾心鬥角，好似將自己D藝員間發生既事搬入大銀幕咁= = 好似珠光寶氣咁，呢套戲同上流社會既真正生活有咩分別? 成套戲都係度你姦我，我吻你，你鬧我，我插你，你摑我一巴，我還你一打 哦.....鬧人就係好演技? 感覺好似一條方程式咁，名為無線慣性收視方程 let x = 藝人A，y = 藝人B，m =鬧交，n = 好演技 as m = A + B then 好演技=鬧交=> n = m thus, n = A+B 簡單冇? 從方程式中，我地可以見到，無線求Q其擺兩個藝員去拍劇就係好演技，就一定會高收視 跟住睇下第二條方程先，叫做亞視慘絕人寰方程 let abcdefghijklmnopqrstuvwxyz = 藝員，亞視 = alpha，收視=beta，演技=gamma although abcdefghijklmnopqrstuvwxyz = gamma abcdefghijklmnopqrstuvwxyz = alpha thus, beta = 0 conclusion, 亞視=冇人睇 夠慘未? 無線方面 糖心一二輯，我一集都冇睇過= = 因為感覺好似好粗糙咁 一大班人係度日嘈夜嘈，你唔煩我都煩 我唔排除佢地係有演技 但成班人係度bilibla，好似好兒戲咁 一見到佢地拍嘈交片我就冷笑，之後就轉台 相反亞視，你睇到佢地雖然藝人好少，但全部都係一臉和平樣 佢地真係好似一家人，融融洽洽 同埋我想講，亞視既人演技一D都唔差 先有江美儀，後有杜汶澤，田蕊妮等等都係好戲，但大器晚成之人 亞視絕對唔會輸蝕 根本早期個陣，兩個台既收線係差唔多，互有領先 早期亞視既大地恩情勁到喊 依家點解會咁?無他，慣性收視囉 無線播一D狗屎垃圾戲都有廿點收視，亞視拍得最好的都只係十幾點 點同你玩呀? D藝員/明星又俾你簽Q曬 亞視簽條毛咩 太霸道啦掛?抵你俾亞視同埋NOW夾攻 以上言論，我打下打下，發覺自己變左民進黨，唯扁是從...= = 偏激的個性真係好難改呀..... 各位慣性睇無線既友仔醒下啦，兩邊台都睇下OK? 亞視請你爭爭氣啦，拍番 [我和彊屍有個約會] 系列的水準OK? 呢排亞視變天，有新老板入主，希望佢投入多D資金，令亞視抬頭 唔再做烏龜!!! 亞視我撐你!!! 支持弱勢社群!!!走出象牙塔!!!! | 
